Dil Kursları

Günlük həyatımızda, iş dünyamızda xarici dil bilmək şübhəsiz ki, ən önəmli xüsusiyyətlərdən biridir. Artıq ana dilimiz olan Azərbaycan dilindən başqa beynəlxalq dillərdən birini başa düşmək və ya danışmağın məcburiyyət halına gəldiyini söyləsək, yəqin ki yanılmarıq. Azərbaycanda son zamanlar iqdisadiyyatın sürətlə inkişafı və xarici investorların ölkəmizə qoyduqları sərmayələrin ildən-ilə artması, yeni xarici şirkətlərin açılması, ölkəmizin avropaya inteqrasiyası yolunda həyata keçirilən islahatlar nəticəsində xarici dili bilən kadrlara ehdiyacı sürətlə artırır. Azərbaycan Mədəniyyətlərarası və Təhsil Mübadiləsi Mərkəzi  (ACEEC) bütün bu təlabatları nəzərə alaraq, xarici dil öyrənmək istəyənlər üçün bir çox müxtəlif proqramlar təklif edir. Bu proqramların ən böyuk üstünlüyü hər dilin öz vətənində öyrədilməsidir. Yəni, İngilis dili İngiltərədə, Alman dili Almaniyada, Fransız dili Fransada öyrədilir. Bunun ən böyük faydası dilin ən qısa zamanda və yüksək səviyydə öyrənilməsi, bununla yanaşı getdiyiniz ölkələrin mədəniyyətləri və məşhur yerləri görmək fürsəti əldə etməyinizdir.

    ACEEC xaricdəki dil kurslarını əsasən universitetlər və xüsusi dil öyrətmə mərkəzlərində və kolleclərdə təşkil edir. Əməkdaşlıq etdiyimiz bütün təhsil mərkəzləri fəaliyyət göstərdikləri ölkələrin müvafiq qurumlarında akreditasiya olunmuşdur.

    ACEEC Dünyanın ən məşhur və tanınmış tədris müəsisələrinin Azərbaycanda səlahiyyətli nümayəndəsi olmaqla yanaşı İngilis dili kurslarını İngiltərə, İrlandiya, ABŞ, Kanada, Avstraliya və Yeni Zellandiya, Alman dili kurslarını Almaniya və Avstriyada, Fransız dili kurslarını Fransa və Kanadada, İspan dili kurslarını İspaniya, Meksika, Kubada, İtalyan dili kurslarını İtaliyada, Rus dili kurslarını isə Rusiya, Belarusiya və Ukraynada yüksək səviyyədə təşkil edir. Unutmayın ki, ACEEC bütün bu kurslrı ən münasib qiymətlərlə təşkil edən Azərbaycandakı yeganə qurumdur. 

 -İngilis Dili Kursları 

Yeni başlayanlar üçün İngilis dili kursları

Bu kurslarda iştirakçılar ingilis dili haqqında ibtidai məlumatlar və bəsit ünsiyyət qurma bacarığı əldə edirlər. Bu kurslar əsasən 4 həftə olur və kursun sonunda heç dil bilməyən şəxslər elementar səviyəyə yiyələnirlər. Beləcə irəlidə daha yaxşı səviyyəyə çatmaq üçün lazım olan zəmin hazırlanmış olur.

Standart İngilis dili kursları

Bu kurslar həftədə 15-20 saat arasında olur. Təməl səviyyədən başlayaraq əsasən 2-48 həftə arasında təşkil olunur. Bu proqram xaricdə uzun müddət qalmaq istəyən tələbələr üçün tövsiyyə olunur. Dərs saatlarının günlük 3-4 saat arasında dəyişdiyini nəzərə alsaq, tələbələr sosial yönümlü fəaliyyətlərlə və olduqları şəhərin görməli yerləri ilə tanış olmaları üçün əla fürsət əldə edirlər.

İntensiv İngilis dili kursları

Qısa müddətdə ingilis dilini öyrənmək istəyənlər üçün ideal proqramdır. Həftədə 25 /30 saat, bəzən isə 35 saatdan  ibarət olan bu kurslar daha təcrübəli müəllimlərin rəhbərliyi altında ən son metodları tətbiq etməklə aparılır. Müntəzəm olaraq keçirilən test imtahanları tələbələrin səviyyələrindəki inkişafın təsbit edilməsində mühüm rol oynayır. Dərslərdə əsasən praktiki danışığa üstünlük verilir.

Biznes ingilis dili kursları

Bu kurslar ingilis dilini günlük iş həyatında istifadə edən və ən azı orta səviyyədə ingiliscə bilən adamlar üçün nəzərdə tutulub. Həftədə 20 – 30 dərs saatından ibarət olan bu kurslar iştirakçıya işgüzar yazışmalar, görüşmələr, raport hazırlamaq, telefon danışığı və digər bacarıqları əldə etmək məqsədi ilə təşkil edilir.

“Akademik İl” ingilis dili kursları

Uzun müddət üçün ingilis dili kursu keçmək istəyənlər üçün ən optimal proqram hesab olunur. Proqramın müddəti 24 və ya 36 həftə olur. Bu proqram Standart ingilis dili kurslarına bənzəsə də, əsas fərqi iştirakçıların universitetə daxil olmaq üçün lazım olan imtahanlara hazırlaşdırmaqdır.

İxtisasa uyğun İngilis dili kursları

Bu kurslar öz ixtisasına aid ingilis dilində ədəbiyyat oxumaq istəyən, ixtisasını xarıcı ölkələrdə artırmaq istəyən və ya xaricdə işləmək istəyənlər üçün nəzərdə tutulmuş kurslardır. ACEEC şirkəti həkimlər üçün “Medical English” (tibbi ingilis dili), hüquqşünaslar üçün “Law English” (hüquqi ingilis dili) və digər ixtisaslara aid  kursları əsasən İngiltərə və ABŞ-da yüksək keyfiyyətlə təşkil edir.

Rəhbər şəxslər və İş adamları üçün kurslar (Executive course)

Vaxtı məhdud olan iş adamları, dövlət və özəl sektorda orta, yüksək vəzifədə işləyən şəxslər üçün xüsusi olaraq hazırlanan bu kurslar fərdi və ya kiçik qruplar şəklində aparılır. Bu kursların təşkilində əsas məqsəd iştirakçıların qısa müddətdə ingilis dili savadlarını inkişaf etdirmək və fərqli ölkələrdən gələn iş adamlrı, rəhbər şəxslərlə tanış olmalarını təmin etməkdir.

Müəllimlər üçün ingilis dili kursları

Bu proqramın məqsədi müəllimlərin ingilis dili təcrübələrini və savadlarını artırmaqdır. Kurs müddətində dil analizləri, tədris strategiyaları, dərs planlarının hazırlanması, tələffüz, söz ehtiyyatını zənginləşdirmək, qiymətləndirmə və digər mövzular üzərində xüsusi  iş aparılır.

TOEFL/İELTS imtahanına hazırlıq kursları

Bu imtahanlar əsasən tədrisin ingilis dilində aparıldığı universitetlərə daxil olmaq üçün ana dili ingilis dili olmayan tələbələr üçün təşkil edilir. Kurslar imtahan metodları, test bacarığı, oxuma, dinləmə və yazma qabiliyyətlərinin inkişafı üçün nəzərdə tutulub. Proqram müddəti əsasən 4 / 10/12 həftədən ibarət olur. ABŞ, Böyük Britaniya, Kanada, Avstraliya, Yeni Zellandiya və Avropanın bir sira (ancaq ingilis dilində təhsil verən)  aparıcı üniversitetlərinə qəbul olmaq üçün bu imtahanlardan keçid balı yığmaq şərtdir.

GMAT, GRE və SAT imtahanlarına hazırlıq kursları

Xüsusi ilə Amerikada MBA, maqistr və bakalavr təhsili almaq istəyənlər üçün Amerika universitetləri tərəfindən əsas şərt kimi qoyulan bu imtahanlara hazırlıq kurslarıdır.

-Alman Dili Kursları

-Fransız Dili Kursları