“Work and Travel”  nədir?

“Work and Travel” (qısaca olaraq WAT adlanır) dünyanın bir çox ölkələrindən universitet tələbələrinin yay tətili boyunca ABŞ-da turizm və xidmət sektorunda mövsümü işlərdə çalışmalarını və proqramda iştirak etdikləri müddətdə bütün xərclərini çıxartma şansı verən bir mədəniyyətlərarası mübadilə proqramıdır. Bu proqram ABŞ Dövlət Departamentinin layihəsi olaraq, ABŞ hökumətinin səlahiyyət verdiyi sponsor şirkətlər və onların müxtəlif ölkələrdəki tərəfdaşları ilə birgə həyata keçirilir.
WAT proqramı çərçivəsində tələbələr əyləncə parkı, otel, restoran, turizm zonasi və ticarət mərkəzi kimi müxtəlif iş yerlərində həftədə 35-40 saat (tələbənin öz istəyi ilə daha çox çalışma imkanı da var) çalışma imkanı əldə edirlər. Proqram İyun-Sentyabr ayları arasında təşkil olunur. Proqram bitdikdən sonra tələbələrə bir ay da əlavə ABŞ-da qalma, işləmə və səyahət etmə imkanı verilir. Beləcə proqramın maksimum müddəti 4 ay təşkil edir.

Proqramın Faydaları və Üstünlükləri

Bu proqramın əsas faydaları aşağıdakılardır

- İngilis dilini praktiki olaraq inkişaf etdirə bilmə imkanı

  Siz bu proqramda ıştırak etməklə Amerikada qalacağınız 4 ay ərzində İngilis dili vərdişlərinizi praktiki olaraq inkişaf etdirmək şansı əldə edəcəksiniz. Ən əsası isə bu imkanı olduqca ucuz qiymətə, hətta əlavə xərc çəkmədən əldə edəcəyinizi söyləsək yəqin ki yanılmarıq. Belə ki, əgər ABŞ-da 4 aylıq müddətə ingilis dili kursu almaq istəsəniz bu sizə ən azı 7000-8000 USD-yə başa gələcəkdir. Bunu nəzərə alsaq WAT proqramının nə qədər faydalı bir proqram olduğu başa düşüləndir.

-         Yaşayış və səyahət xərclərini qarşılaya bilmə imkanları

 Siz bu proqramda ishtirak etməklə həm ABŞ-ı gəzmək, həm ingilis dilinizi inkişaf etdirmək, üstə gəl sərf etdiyiniz bütün xərcləri çıxarmaq imkanı əldə edirsiniz. Bu səbəbdəndir ki, hər il dünyada təxmini olaraq 80-90 min nəfər tələbə “Work and Travel” proqramında iştirak edir.

-         Amerikanı gəzmək fürsəti

“Work and Travel” proqramı, adından da göründüyü kimi bir işləmə və səyahət proqramıdır. Bu proqram sayəsində nəinki Amerikada olduğunuz şəhərdə, hətta əldə etdiyiniz qazanc vasitəsilə digər ştat və şəhərləri gəzmək imkanı əldə edəcəksiniz.

-         Həyata hazırlıq!

“Work and Travel” proqramı universitet tələbələrinin məzun olmadan real həyatdakı məsuliyyətlərini felən olaraq yaşamalarını təmin edən bir proqramdır. Proqramda iştirak etməklə valideynlərinizdən uzaqda, kimsənin köməyinə ehtiyac duymadan öz gücünüzə yaşamağı öyrənəcək və beləcə özünüzə olan güvəni artıracaqsınız.

-         İş təcrübəsi əldə etmək imkanı

ABŞ-da çalışaraq iş təcrübəsi  və C.V.-nizi genişləndirmək fürsəti əldə edəcəksiniz. Günümüzdə  C.V.-nizdə sadəcə təhsilinizə deyil, iş təcrübənizə və fəaliyyətlərinizə də baxılır. Unutmayın ki, ABŞ-da əldə edəcəyiniz iş təcrübəsi sizin gələcək iş həyatınızda mühüm rol oynayacaq və iş üçün hər hansı bir yerə müraciət edərkən sizin üçün əhəmiyyətli bir üstünlük olacaqdır.

-         Fərqli mədəniyyətlər ilə tanış olmaq fürsəti

Globallaşan dünyamızda fərqli mədəniyyətləri tanımağın əhəmiyyəti böyükdür. “Work and Travel” proqramı sizə nəinki ABŞ-ın mədəniyyət və adətlərini, eləcə də dünyanın bütün qitələrindən gələn fərqli mədəniyyətlərə malik olan tələbələrlə tanış olmaq və dostlar qazanmaq imkanı verəcəkdir.

Bu proqramın digər üstünlüklərini aşağıdakı kimi ifadə edə bilərik

• ABŞ-a J-1 vizası ilə gedib qayıtmaq, digər ölkələrə viza üçün müraciət edərkən sizin üçün bir referans rolunu oynayacaq və viza almanızı asanlaşdıracaq.

• Bu proqram ABŞ-a getməyin və 4 ay Amerikada yaşamağın ən sərfəli yoludur.

• Bu proqram dünyanın müxtəlif yerlərindən olan insanlarla tanış olmaq və bir ömür boyu davam edəcək dostluq münasibətləri qurmanıza səbəb olacaq.

Kimlər iştirak edə bilər?

“Work and Travel” proqramında iştirak etmək üçün aşağıdakı şərtlər tələb olunur:

1. Sonuncu kurs olmamaq şərti ilə istənilən ali məktəbin bakalavr və magistr pilləsində əyani təhsil alan tələbələr;

2. 18-25 yaşlar arasında olan tələbələr;

3. İngilis dilini ən azı orta səviyyədə (intermediate) bilən tələbələr;

Qeyd: İngilis dili səviyyəsi orta səviyyədən aşağı (ən azı pre-intermediate) olan şəxslərin sənədləri ancaq 31 Dekabr 2009 tarixinə qədər qəbul ediləcək. Bu tarixdən sonra müraciət edən və ingilis dili səviyyəsi  pre-intermediate səviyyəsindən aşağı olan tələbələrin sənədləri qəbul edilməyəcəkdir.

İş növləri

Bu proqramda tələbələr ixtisaslarına uyğun olmayan, sadə və o qədər də fiziki zəhmət tələb etməyən, normal şərtlərdə hərkəsin görə biləcəyi ışlərlə təmin edilirlər. Bu baxımdan hər hansı bir iş təcrübsi tələb olunmur. Sizə təklif olunacaq işlərin aşağıda göstərilən və ya onların bənzəri işlər olacaqdır

Əyləncə & Aqua Parklar

Xilasedici (lifeguard/beach attendant)

Yemək–İçki xidməti (food server)

Oyun Sahəsi Cavabdehi (Rides Attendant)  

Bilet satıcısı (ticket sales)

Dayanacaq cavabdehi (parking attendant)

Müştəri qarşılama

Fotoqraf

Restoran işləri:

Ofisiant (waiter/waitress)

Paketləmə işçisi

Barmen/barmaid

Təhlükəsizlik xidməti(security)

Aşbaz (cook)

Aşbaz köməkçisi (cook assistant)

Komi (busser)

Saladmaker

Təmizlik işçisi (cleaner)

Otel İşləri:

Resepsiyonist (front desk clerk)

Otaq Cavabdehi (housekeeper)

Təmirçi (maintenance)

Qapıçı (doorman)

Ofisiant (waiter/waitress)

Belboy

Qab yuyan, (host/hostes)

Banket işçisi

Çamaşırxana işçisi (laundry assistant)

Anbar cavabdehi (store keeper)

Market  və Ticarət mərkəzləri:

Satıcı (retail sales)

Satıcı köməkcisi (shop assistant)

Kassir (cashier)

Kassir köməkcisi (cashier assistant)

Müştəri xidmətləri (customer service)

Anbardar (store keeper)

İş saatları və qazanc/overtime/ikinci iş imkanı

Bir işdə həftədə 35-40 saat çalışa bilərsiniz. Saat başına ödənilən maaş 7.5-12 USD arasında dəyişir. Həftəlik iş saatı və qazanacağınız məbləğ iş yerindəki işlərin gedişatından, sizin qəbliyyət, bacarıq, performans və ingilis dili səviyyənizə görə dəyişir. Əksər hallarda çalışqan və məsuliyyətli tələbələrə həftə ərzində əlavə iş saatları da təklif olunur (overtime).Bu zaman həftəlik 40 saat işdən sonra tələbəyə işlədiyi hər saata görə normal saatlıq maşının 1.5 misli qədər maaş ödənilir. Məsələn, bir tələbə həftədə 40 saat işləyir və ona verilən saat başına maaş 8 USD-dirsə əlavə saatlarda (overtime) ona ödəniləcək maaş 12 USD olacaqdır. Bundan başqa bu proqram tələbələrə birinci işində hər hansı bir problem yaratmamaq şərti ilə ikinci işdə işləməyə və daha çox gəlir əldə etməyə imkan verir. Amma unutmayaq ki, tələbə istənilən halda proqramın sonuna qədər birinci işdə işləmək məcburiyyətindədir və bu işdən imtina edərsə bu onun proqramdan azad edilməsinə və vizasının ləğvinə səbəb olacaqdır!!!!!

Qalınacaq yer

Qalacağınız yer siz hələ ölkəni tərk etməmiş, yəni proqramın başlama tarixindən çox əvvəl ACEEC  və onun əməkdaşlıq etdiyi Sponsor Şirkət tərəfindən təmin ediləcəkdir. Qalınacaq yer kimi Sizə universitet şəhərcikləri, yataqxana, motel və ev təklif edilə bilər. Qalınacaq yerlərin ödəniş haqqı həftəlik olaraq ödənilir və yerə, şəhərə görə dəyişir. Sizin tərəfinizdən ödənilən bu məbləğ ən azı həftədə 20 USD ən çoxu isə 100 USD olur. Bəzən isə ümumiyyətlə qalınacaq yerin ödəniş haqqı iş verən şirkət tərəfindən ödənilir.

Necə Müraciət etməli

Müraciət etmədən öncə saytımızda “Work and Travel” proqramı ilə bağlı bütün məlumatları dıqqətlə oxumağınızı tövsiyyə edirik. Bundan sonra ACEEC-ə gəlməli və expertlərimizdən proqram haqqında daha ətraflı məlumat almalısınız. Əgər proqramın şərtləri sizi qane edirsə o zaman müraciət formasını doldurursunuz və təyin edilən gündə ingilis dili imtahanında iştirak edirsiniz. İngilis dili imtahanı yazılı və şıfahı aparılır. Proqramda iştirak etmək üçün tələb edilən ingilis dili səviyyəsi intermediate-dir (5 səviyyə üzərindən 3-cü səviyyə). İngilis dili səviyyəsi aşağı olan tələbələrin müraciətləri ancaq 31.12.2009-cu il tarixinə qədər qəbul ediləcəkdir.
İngilis dili imtahanını müvəffəqiyyətlə verən tələbələr ACEEC ilə müqavilə imzalamalı və ilkin olaraq depozit ödəməlidir. Bu məbləğ ümumi proqram xərcinə daxildir. Bundan sonra ACEEC – in mütəxəssisləri sizə lazım olan sənədlərin siyahısını təqdim edir və onların necə hazırlanacağı haqqında ətraflı məlumat verirlər. Bir sonraki mərhələ işin seçilməsidir. İş seçilməsi iki şəkildə aparılacaqdir; ya internet üzərindən online müsabiqə yolu ilə, ya da Bakıda təşkil edəcəyimiz JOB FAİR (İş sərgisi) vasitəsi ilə. İstənilən hər iki halda siz işləyəcəyiniz yerin və Sponsor şirkətin məsul şəxsləri ilə canlı təmasda olacaqsınız. Siz işləyəcəyiniz yer və iş seçmək məsələsində tam sərbəstsiniz. Özünüzə uyğun iş yeri seçdiktən sonra Amerikalı işveren ilə aranızda “İş Müqaviləsi” imzalanır. Bu müqavilədə sizin harada, hansı işdə və nə qədər maaşa işləyəcəyiniz rəsmən təsdiq olunur və tərəflər üzərlərinə öhdəliklər götürürlər. “İş Müqaviləsi” ilə bərabər siz eyni zamanda “Qalınacaq yer” müqaviləsini də imzalayacaq və harada qalacağınız və həftəlik nə qədər ödəyəcəyiniz rəsmən təsdiq olunacaqdır. “İş Müqaviləsi” imzalandıqdan sonra 3-iş günü içərsində Proqram xərcinin yerdə qalan hissəsi tamamən ödənilir. Bundan sonraki mərhələ isə Viza görüşünə girərək viza müsabiqəsində iştirak etməkdir.

Vizanın alınması proseduru

  “Work and Travel” proqramında iştirak edən tələbələrdən ABŞ- a getmələri üçün J-1 tipli viza tələb olunur. Bu proqramın ən böyük üstünlüyü digər proqramlara nəzərən viza alınmasının daha asan və tez olmasıdır. Əgər sizdə proqramın tələb etdiyi şərtlər varsa o zaman viza alınmaması kimi bir problem  ortaya çıxmayacaqdır. Bundan əlavə viza görüşü əsnasında Konsulluğun əməkdaşının vermiş olduğu sualları səmimi və doğru şəkildə cavablandırmanız lazımdır. Əks halda viza ala bilməyəcəksiniz. Əgər təqdim etdiyiniz sənədlərdə hər hansı bir yalan məlumat təsbit olunarsa bu da viza almamanıza səbəb olacaqdır. Unutmayın ki, viza alınmasında iştirak etdiyiniz şirkət hər hansı bir rol oynamır. VİZA SİZİN ŞƏXSİNİZƏ VERİLİR!!!

Sığorta

ACEEC  ABŞ-da əməkdaşlıq etdiyi Sponsor şirkətləri vasitəsi ilə bütün tələbələri proqram müddəti boyunca  sığorta etdirir. Sığorta proqramın başladığı tarixdən proqramın başa çatma tarixinə qədər olan bir müddəti əhatə edir və təcili xəstəxana xərclərini qarşılamaq üçün nəzərdə tutulmuşdur. Yəni, ümumi müalicə, dış müalicəsi və estetik əməliyyatlar və daha öncədən qazanılmış xəstəliklərdən dolayı sonradan yaranmış fəsadların aradan qaldırılması üçün nəzərdə tutulmamışdır. Məsələn, siz yıxılıb zədə alsanız o zaman bütün xərcləri sığorta ödəyəcəkdir. Əgər sizdə şəkər xəstəliyi var və müalicəyə ehdiyacınız varsa o zaman ortaya çıxan xərclərdən sığorta şirkəti məsuliyyət daşımır.

ABŞ-a gedərkən sizə sığorta sənədi təqdim olunacaqdır. Sığortadan istifadə etmək istədikdə (xəstəxanaya gedərkən)  Sığorta kartı, DS2019 forması və Pasportunuz yanınızda olmalıdır. Əlavə olaraq siz ancaq Sığorta şirkətinizin müqavilə bağladığı xəstəxanaya müraciət etməlisiniz (işlədiyimiz sığorta şirkətinin tələbələri göndərdiyimiz şəhərlərdə xəstəxanaları vardır!!!).

ACEEC şirkəti WAT iştirakçılarına ikili sığorta da təklif edir. Birinci sığorta proqram xərcinə daxil olduğu halda ikinci sığorta üçün əlavə pul ödənilməlidir.

Qeyd: Təcili tibbi müdaxiləyə və ya polisə ehdiyacınız olarsa o zaman birbaşa olaraq 911 nömrəsinə zəng edə bilərsiniz!!!

ABŞ-da həyata keçirilən xidmətlər

ABŞ- a getmədən öncə ACEEC, proqramda iştirak edəcək tələbələr üçün istiqamətləndirmə görüşü (Orientation) təşkil edir və tələbələrə ABŞ, onun əsas hüquqi normativləri, qalacaqları yer, oraya getmək üçün istifadə ediləcək marşrut və ortaya çıxa biləcək hər hansı məsələ ilə bağlı  hansı tədbirlərin görülməsi haqqında ətraflı məlumat verilir. Bundan əlavə tələbələrə ABŞ-dakı Sponsor şirkətin və ACEEC-in bütün kontakt, nömrə və e-maillərinin də qeyd edildiyi “WAT iştirakçısının yaddaş kitabçası” kitabı verilir. Əgər sizin ABŞ-da hər hansı bir probleminiz olarsa, o zaman sizə verilmiş və 24 saat müddətində xidmət verən telofon, MSN və e-mail adreslərinə müraciət edə bilərsiniz. UNUTMAYIN Kİ, ACEEC VƏ ABŞ-DA ƏMƏKDAŞLIQ ETDİYİ SPONSOR ŞİRKƏTLƏR PROQRAMLA BAĞLI SİZİN BÜTÜN PROBLEMLƏRİNİZİ  HƏLL  ETMƏYƏ QADİRDİR!!!

ACEEC – in İngilis dili hazırlıq kursları

ACEEC şirkətinin nəzdində WAT proqramında ıştirak etmək istəyən, amma İngilis dili səviyyəsi yetərli olmayan tələbələr üçün xüsusi ingilis dili kursu fəaliyyət göstərir. Bu kursların digər kurslardan fərqi intensiv və ancaq WAT proqramında içtirak etmək istəyənlər üçün nəzərdə tutulmasıdır. Siz bu kurslarda iştirak etməklə praktiki ingilis dilinizi ən qısa müddətdə inkişaf etdirə biləcəksiniz. Bundan əlavə bu kurslarda ABŞ-da işləyəcəyiniz işlərlə bağlı terminlərlə tanış olacaq və ayda bir dəfə daha öncə bu proqramda iştirak etmiş şəxslərlə təşkil ediləcək görüşlərdə iştirak edə biləcəksiniz. Təcrübəli mütəxəssislər tərəfindən aparılan bu kurslarda iştirak etmək “Work and Travel” proqramına müraciət edən bütün tələbələrə tövsiyyə olunur.

Azərbaycanda Work and Travel şirkəti seçərkən nələrə diqqət etməli!!!

“Work and Travel” proqramında iştirak etmədən öncə Azərbaycanda hansı şirkətin xidmətlərindən istifadə edəcəyiniz haqqında qərar verməniz çox önəmlidir. Xidmətindən istifadə edəcəyiniz şirkətin Dövlət qeydiyyatından keçməsini, ABŞ-da əməkdaşlıq etdiyi Sponsor şirkət və onun verdiyi işlərin nə qədər etibarlı olmasını daha öncədən araşdırmanız sızı sonradan ortaya çıxacaq problemlerden “sığortalayacaqdır”. Bundan əlavə Azərbaycandakı şirkətin vizaya hazırlıq və sənədləşmə işlərində nə qədər müvəffəqiyyətli olmaları da çox mühümdür. Hər nə qədər viza almağın bir başa şəxsinizə bağlı olması faktdırsa, sənədləşmə işlərinizin düzgün aparılması da  bu məsələdə bir oqədər önəmli rol oynayir. Odur ki, Azərbaycanda WAT şirkətlərinə müraciət edərkən onların bir il öncəki  tələbələrinin neçə faizinin viza almadığını öyrənməniz və o şirkətlə bu proqramda iştirak etmiş bir neçə tələbənin fikirlərini öyrənməniz sizə doğru qərar verməkdə böyük köməklik edəcəkdir. Əgər bir şirkətdən viza ala bilməyən tələbələrin sayı çoxdursa bunun ancaq iki səbəbi ola bilər; ya şirkət viza sənədləşmə işlərini apara bilmir ya da proqrama tələblərinə uyğun tələbə seçə bilmək iqtidarında deyil.

 BU KİMİ ŞİRKƏTLƏRİN XİDMƏTİNDƏN İSTİFADƏ ETMƏNİZ TÖVSİYYƏ OLUNMUR!!!

ACEEC - lə daha fərqli Work and Travel

ACEEC şirkətinin digər şirkətlərdən əsas fərqi aşağıdakılardir:

 1. Təklif edilən işlərin daha etibarlı olması
 2. Hər iş saatı üçün verilən əmək haqqlarının daha münasib olması (7-12 $)
 3. Kifayət qədər “Overtime” (əlavə iş saatı) olması
 4. Qalınacaq yerlərin çox ucuz və ya pulsuz olması (həftəlik 20-85 $)
 5. İş yerlərinin şəhər mərkəzində və ya ona yaxın olması
 6. Proqram iştirakçıları üçün həm ABŞ-da, həm də Azərbaycanda 24 saat  müddətində xidmət verən qaynar xəttinin olması
 7. Kadr heyyətinin daha professional olması
 8. Work and Travel proqramında iştirak edəcək tələbələr üçün xüsusi “Work and Travel” hazırlıq kurslarının təşkili
  9. Münasib qiymətə təyyarə bilətlərinin təşkili
 10. Pulsuz məsləhət xidmətinin verilməsi

 Sizə nə vəd edirik.

1. Noyabrın 1-nə qədər qeydiyyatdan keçənlərə 500 AZN endirim+ 6 ay pulsuz İngilis dili kursu
2. Noyabrın 1-dən – Dekabrın 30-na qədər qeydiyyatdan keçənlərə 400 AZN endirim+ 5 ay 50% endirimlə İngilis dili kursu
3. Proqramda ikinci dəfə iştirak edənlərə xüsusi endirimlər
4. İştirakçıların hər birinə bütün proqram xərcini qazana bilmələrinə dair zəmanət
5. ACEEC-lə Work and Travel proqramında iştirak edən tələbələrə xarici universitetlərə qəbul olunmaları üçün 100 % təminat
6. İştirakçıların hər birinə ən azı bütün proqram xərcini qazana bilmələrinə dair zəmanət
5. Vizaya zəmanət